Kitob fikrlash qobiliyatimizni harakatga keltiradigan ixchamgina quroldir. U aqliy tanballigimiz bilan kurashishimizda bizga ko‘maklashuvchi tafakkur quvvatidir.
Shunday ekan, yoshlarni kitobxonlikka qiziqtirish ularni kitob o‘qishga jalb qilish va bo‘sh vaqtlarini unumli o‘tkazish maqsadida bugun Termiz davlat universiteti tashabbusi bilan Axborot resurs markazi hovlisida “Men do‘stimga kitob sovg‘a qilaman” mavzusida yarmarka tashkil etildi.
Unda Adib Sobir Termiziy nomidagi Surxondaryo viloyat Axborot kutubxona markazi, Trast art – Dizayn MCHJga qarashli “Kitoblar olami” hamda “Book kafe” kitob do‘koni o‘zlarining sara kitoblarini kitobxonlarga havola etishdi.
Yarmarkada Termiz davlat universiteti professor-o‘qituvchilari, tyutor va talaba yoshlari faol ishtirok etishdi.
Bizni kuzatishda davom eting!
