Ayritom Erkin Iqtisodiy Zonasida universitet talaba-yoshlari hamda professor-o‘qituvchilari ishtirokida ko‘chma sayyor o‘quv mashg‘ulotlari tashkil etildi.
Tadbir doirasida o‘tkazilgan ilmiy-ma’rifiy seminarlar davomida erkin iqtisodiy zonalarning mamlakat iqtisodiyotidagi o‘rni va ahamiyati, innovatsion yondashuvlar, zamonaviy axborot texnologiyalarining amaliyotdagi qo‘llanilishi, shuningdek, milliy madaniyat va san’atni rivojlantirish masalalari muhokama qilindi. Professor-o‘qituvchilar tomonidan mazmunli ma’ruzalar o‘qilib, talabalarni qiziqtirgan savollarga atroflicha javoblar berildi.
Shuningdek, Ayritom Erkin Iqtisodiy Zonasi hududida tashkil etilgan ekskursiyalar davomida ishtirokchilar zonaning faoliyati, mavjud ishlab chiqarish korxonalari, amalga oshirilayotgan investitsiya loyihalari hamda infratuzilma imkoniyatlari bilan yaqindan tanishdilar.
Bundan tashqari, sog‘lom turmush tarzini targ‘ib etish maqsadida talaba-yoshlar va professor-o‘qituvchilar ishtirokida turli sport tadbirlari o‘tkazildi. Ushbu mashg‘ulotlar jamoaviylik, faollik va o‘zaro hamkorlik muhitini yanada mustahkamladi.
Mazkur seminarlar, ekskursiyalar va sport tadbirlari talabalarning nazariy bilimlarini amaliyot bilan uyg‘unlashtirish, ularning kasbiy va ijtimoiy faolligini oshirish, shuningdek, professor-o‘qituvchilar va talabalar o‘rtasida samarali hamkorlik muhitini shakllantirishda muhim ahamiyat kasb etdi.
✔️Shu bilan birga, tadbirlar ishtirokchilarga O‘zbekiston Respublikasining iqtisodiy, moliyaviy, soliq va bojxona tizimi hamda eksport-import qonunchiligi bilan yaqindan tanishish imkonini berdi.
