Surxondaryo viloyatida “Davlat tili haqida”gi qonun qabul qilinganining 32 yilligi va Oʻzbek tili bayrami kuni keng nishonlanmoqda
Bayram shodiyonalari erta tongdan Termiz shahridagi Alisher Navoiy haykali poyiga davlat va jamoat tashkilotlari vakillari, soha mutaxassislari, adabiyotshunos olimlar, shoir va yozuvchilar, talaba-yoshlarning gulchambar qoʻyish marosimi bilan boshlandi.
Tantanali tadbirda TerDU rektori, professor A.Maraximov, Filologiya fanlari doktori (DSc) Sh.Maxmaraimova, Oʻzbekiston Yozuvchilari uyushmasi viloyat boʻlimi rahbari M.Allamurodov va boshqalar soʻzga chiqib, goʻzal va nafis tilimizning mustaqilligimizni mustahkamlashdagi ahamiyatini, obod va ozod Vatanimizni dunyoga keng tarannum etishdagi oʻrnini alohida qayd etdi.
