Uchrashuvda TerDU xotin-qizlar masalalari boʻyicha Kengash raisi D. Xamzayeva, Kengash aʼzolari, Surxondaryo viloyati “Qizlar ovozi” koordinatori M.Yusupova va barcha 1-kurs talaba qizlar ishtirok etishdi.
Uchrashuv o’tkazilishidan maqsad, yangi oʻquv yilida 1-kurs talaba qizlarga oliygohning olima ayollari, shuningdek oʻz taʼlim yoʻnalishining faxri boʻlgan namunali, iqtidorli talaba qizlari haqida maʼlumot berish va bu orqali ularning vaqtdan unumli foydalanib, oʻz ustidan ishlab, ilm-fan, taʼlim, madaniyat sohalarida faolligini oshirishdan iboratdir.
Talaba qizlarga hozirgi kunda TerDU xotin-qizlar Kengashi qoshida faoliyat koʻrsatayotgan klub va to’garaklar haqida maʼlumot berildi. Shuningdek, TTJda qizlar uchun yaratilgan shart-sharoitlar, kiyinish madaniyati, universitet ichki qoidalari bilan tanishishdi.
