Termiz davlat universiteti rektori A.Toshqulov dunyoning top-1000 talik OTMlari ro‘yxatiga kiruvchi xorijiy universitetlarda tahsil olgan pedagoglarimiz bilan uchrashdi
Jarayonda xorijiy investitsiya va grantlarni jalb etish, xorijiy hamkorlar bilan aloqalarni yangi bosqichga olib chiqish, o‘qituvchi va talabalar almashinuvi dasturlarida ishtirok etish orqali ta’lim eksportini rivojlantirish masalalari muhokama qilindi.
Shuningdek, universitetda ta’lim sifatini yaxshilash, yetakchi xorijiy oliygohlardagi mavjud samarali amaliyotlarni joriy etish bo‘yicha takliflar bildirildi.
Universitet rektori tomonidan mas’ullarga xorijiy nufuzli OTMlarini tamomlagan o‘qituvchilarni rag‘batlantirish bo‘yicha takliflar ishlab chiqish hamda yosh pedagoglarga faoliyatlarida ta’lim sifatini oshirish, xalqaro grant loyihalarida ishtirok etish vazifalari qo‘yildi.
