Test sinovlari oʻtkazilayotgan binolarda abituriyentlar va ularning yaqinlari uchun yaratilgan barcha sharoitlardan shu jumladan, test jarayonlarining ochiq, shaffof oʻtishini onlayn kuzatish uchun maxsus zallar tashkil etilganligi va kerakli jihozlar bilan ta’minlanganligi barchani quvontirmoqda.
Termiz davlat universiteti rektori A.Maraximov masʼul xodimlar bilan test sinovlari oʻtkazilayotgan joyga kelib, abituriyentlarning test savollarini toʻgʻri yechishiga omad tiladi. Ota-onalar uchun kuzatish zallarida yaratilgan sharoitlarni koʻzdan kechirib, ular bilan dildan suhbatlashdi.
Eslatib oʻtamiz, Termiz davlat universitetiga hujjat topshirgan abituriyentlarning ota-onalari uchun Termiz olimpiya va paralimpiya sport turlariga tayyorlash markaziga yaqin Roʻzi Choriyev nomidagi sanʼat maktabida kutish-kuzatish zallari tashkil etilgan. Barcha qulayliklarga ega salqin, keng, shinam maxsus zallarda abituriyentlarning yaqinlari test jarayonlarini onlayn kuzatmoqda.
Shuningdek, kuzatuvchilarning vaqtlarini mazmunli oʻtkazish hamda tashkiliy masalalarda koʻmak berish maqsadida Termiz davlat universitetining volontyorlar guruhi faollik koʻrsatmoqda.
Bizni kuzatishda davom eting!
